es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Gatazkak konpontzea. Batxilergoa

Gatazkak konpontzea - batxilergoa

Karpeta honetan, batxilergoko ikasleek gatazkei eta haien konponbideari buruz lan egiteko proposamenak aukezten dira, curriculumeko hainbat arlotatik abiatuta. Prozedura berritzaileak oinarri hartuta jarrerak eta balioak lantzearen alde egiten duen materiala da; helburua da prozedura horien bidez, gatazkak sortzen direnean, jarduera solidario eta arduratsuetara bideratzea eta ikasteko era esanguratsuak ahalbidetzea.

Proposamen didaktikoa

Lehia eta lankidetza

Nola funtzionatzen dute ekosistemek? Zein motatako harremanak sortzen dira elkarrekin bizi diren espezieen artean? Indartsuenaren legeak balio al du?

Gizakia eta ingurumena

Zein da ingurugiroa eta gizakien arteko harremana? Zein nolako arazoak sor daitezke? Nola konpondu litezke harreman honetatik sortutako arazoak?

Premia eta kontsumoa

Behar duguna baino ez dugu kontsumitzen? Nola eragiten du publizitateak gure kontsumo ohituretan? Guk behar baino gehiago kontsumitzeak eragina al dauka beste pertsonengan?

Kontsumo arduratsua

Zer egin dezakegu ingurugiroa zaintzeko eta arduraz kontsumitzeko kalterik sorrarazi gabe? Nola konbentzituko genituzke hiritarrak gai honen garrantziaz?

Bezeroarentzako arreta

Zer da Kontsumitzailearen Informaziorako Udal Bulegoa? Eta Bezeroaren Arreta zerbitzuek, zer eskaintzen digute? Zeintzuk dira gure eskubide eta betebeharrak kontsumitzaile bezala? Eta enpresenak?

Indarkeriarik eza gerraren aurrean

Gatazkek irtenbide bakarra al daukate? Zer hartu behar dugu kontutan arazo bati aurre egiterako orduan? Arazoen aurrean aurkezten dugun jarrerak eraginik ba al du irtenbidean?

Gutuna

Nola manten dezakegu inpartzialtasuna zuzenean eragiten digun gatazka baten aurrean? Elkarrizketa eta errespetua beharrezkoak al dira gatazka batetan bitarteko izateko? Eskutitza baten bitartez Venezuelako egoera erreal bat aztertuko dugu.

Inbaditu egin gaituzte eta defenditu egin behar dugu

Nola konponduko genuke nazioarteko gatazka bat arma barik? Nola eragin daiteke boterean indarkeria erabili gabe? Arazo guztiak konpon daitezke indarkeria erabili gabe? Ezagutzen ditugu munduan zehar garatu diren esperientzia baketsuak: Guatemala, Argentina, Hego Afrika edota Israel kasu?

Bake-liderrak

Zer egin dezakegu gure eguneroko bizitzan agertzen den gatazka baten aurrean? Zein da jende guztia pozik geratzeko modurik onena? Nola konpondu dira historian zehar hainbat gatazka? Nolako papera jokatu dute pertsona batzuk bertan?

Ardi beltza

Zer da arrazakeria? Zergatik daude gure gizartean gutxiengoan dauden kulturetako batzuk gaizki ikusiak edota aurreiritzi eta estereotipoz josiak? Ezezaguna arbuiatzen dugu? Badaude besteok baina hobeak diren pertsonak?

Komunikabideen auzia

Komunikabideak informazioa zabaltzean objektiboak dira? Era berean kontatzen dizkigute gauzak komunikabide desberdinek? Noraino hel daiteke komunikabide baten boterea?

Zer egin hondakinekin?

Etxean eta ikastetxean produzitzen dugun zaborra kalkulatzeko gai al gara? Zer gertatzen da zabor horrekin? Zer da eta zertarako balio du erraustegi batek? Zenbat zabor kilo prozesa daiteke errausketa-instalazio batetan? Daukagun kontsumoa kontuan izanik…nahikoa al da hau?

Ikerkuntza militarraren gastua

Kalkulatu zenbat gastatzen den zientzia-, osasun-, nekazaritza- eta arrantza-ikerkuntzan eta konparatu estatu espainiarrak ikerkuntza militarrean urtean gastatzen duen kantitatearekin. Azaldu zenbateko desoreka dagoen ikerkuntza baterako eta besterako erabiltzen den diru-kopuruan. Datu horiek aztertu ondoren, jorratu honako gai hau: ikerkuntza militarrerako erabiltzen den diruaren eta bake-kulturaren arteko gatazka. Herritarren partaidetza nola bultzatu aztertu behar dute ikasleek, aipatu gatazka gainditzeko betiere.

Gatazkaren korapiloa

Zer esaten digute posterrek gatazken konponketari buruz? Nola beteko genuke gure iritziarekin zuriz dagoen posterra?

Zer nahi duzu? Zer behar duzu?

Nola jar gaitezke ados, aurkako jarrerak daudenean? Zertan datza negoziazioa? Rol joko baten bidez ea lortzen dugun!

Barraskiloaren estrategia

“La estrategia de Caracol” filma ikusiko dugu, Kolonbiarra, Sergio Cabrerak zuzenduta, (fitxa 3.1). Filma ikusi ondoren fitxa 3.2an agertzen diren iradokizunen laguntzaz bideo foroa egingo dugu.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons