es eu en

Materialak bilatu

Bilaketa aurreratua

Heziketa baliabideak

Konta ezazu ondo

Zor zoroa. Kanpo zorraren inguruan lan egiteko proposamen didaktikoak

Zor_zoroa

Gazteenak kanpo-zorraren gaira hurbiltzea helburutzat duen material didaktikoa hau Alboanek egindakoa da. Agin gugandik urrun dagoen gai bat irudi dakiguke. Baina zenbakien, ehunekoen eta bide makroekonomikoen azpian bada nahikoa erraz uler daitekeen zerbait: gure garapen-ereduak aberatsen eta behartsuen arteko aldea handiagotzen jarraitzen duela.

Proposamen didaktikoa

Zorrak aurpegi anitz ditu

Zer da zorra? Zorra ekonomikoa al da soilik? Zerikusirik badu politikarekin? Eta ekologia eta gizarte gaiekin?

Denok gaude zorretan

Zorrak izaten al ditugu gure eguneroko bizitzan? Hala bada, zergatik zorpetzen gara? Nolakoak dira maileguak eskaintzen dituzten iragarkiak?

Nola funtzionatzen du mailegu batek?

Zer da mailegu bat? Nola funtzionatzen du? Zein ondorio ditu maileguak eskatzeak?

Zorra neurtzen ikasiko dugu

Nola eragiten du kanpo-zorrak herrialde batean? Zer esan nahi du zorraren zerbitzuak?

Zorraren gaiari bueltaka

Ikas dezagun informazioa prozesatu eta analizatzen! Horretarako bi teknika ikasiko ditugu!

Zorpetzea, ona ala txarra da?

Txarra edo ona da zorpetzea? Zer da beharrezkoa zorra baliagarria eta garapenerako lagungarria izan dadin?

Bizitzako historiak

Nola eragiten du zorrak munduko pertsona desberdinen eguneroko bizitzan? Eta osasun arloan, lanean, hezkuntzan, ingurumenean nola eragiten du?

Herrien historiak

Ezagutu ditzagun Nikaragua, Etiopia, Zambia eta Peru gehixeago! Zein da bizi duten zordun egoera?

Nork du zor handiagoa?

Herrialde guztietan berdin eragiten al du zorrak? Zeintzuk dira munduan kanpo-zorraren eragin handiena jasaten duten herrialdeak?

Baliabide gutxi

Zein dira zuen ustetan nazio batek bere aurrekontutan kontuan izan beharreko premia nagusiak? Libre al dira nazioak aurrekontuak eurek nahi bezala egiteko, zorra ordaindu behar badute?

Zorra eta ingurumena

Nola eragiten du kanpo-zorrak ingurumenean? Eta ingurumenak guztiongan? Bi irudirekin egingo dugu lan, bakarka nahiz taldeka. Irudiekin jarduera desberdinak egin daitezke. Guk hemen aukera batzuk–Pedro Saezen “El sur en el aula” (SIP,1995) lanetik hartuak– iradokiko ditugu (ikus 11.1 fitxa):

Kontzeptuzko mapa

Kanpo-zorra zein alderdi edo kontzepturekin lotuko zenuke? Eta zein da hauen artean dagoen harremana? Egin dezagun kontzeptuzko mapa bat!

Nor noren zordun?

Zorragatik ordaintzen den kopuruarekin nahikoa izango litzateke gizarte batean hezkuntza, ura eta saneamendua, ugalketa-osasun zerbitzua eta elikaduran zerbitzuak eskura izateko?

Bidezko/ Bidegabea den zorra

Zorrak beti ordaindu behar dira? Noiz ez dira ordaindu behar? Zer egingo genuke guk ordain ezingo bagenu? Eta guri ordainduko ez baligute? Arrazoiak kontutan izan behar dira?

Zorraren dekalogoa

Zor guztiak dira bidezkoak? Zein zor eta zein baldintzatan lirateke bidezkoak? Zergatik? Zein ondorio lituzkete? Egin dezagun dekalogo bat!

Handia dut interesa, zu maitatzeko, Teresa

Zorra barkatu al zaio noizbait herrialde bati? Zein dira hori egitearen arrazoiak? Testuinguru historiko eta politikoak eragiten al du?

Letra zopa

Zein hitz lotuko zenuke kanpo-zorrarekin? Hitz horiek letra zopan al daude? Aurki ditzagun!

Zorra giza garapen bihurtzea

Zer da garapena? Gure herrialdeak duen zorraren kitapena lortuz gero, nolako egitasmoak finantzatuko genituzke?

Nire beharrak eta besteenak

Zeintzuk dira ditugun beharrak? Nondik datoz behar horiek? Zein da behar eta nahiaren arteko aldea? Posible litzateke herrien eta herritarren behar guztiei erantzutea?

Buruarekin eta…bihotzarekin kontsumituz

Gure eguneroko jokabideak, kontsumoa legez, kanpo-zorrarekin loturarik badu? Argi al dugu zein den noren zordun?

Sarean barrena

Zein ekimen ezagutzen ditugu kanpo-zorraren arazoari aurre egiteko sortuak direnak? Proposamen hauetatik baten bat gure gain har dezakegu?

Referendum bat antolatuko dugu: denek beren iritzia eman dezatela

Kanpo-zorraren gaiari lotuta ikasitakoarekin egin dezagun erreferendum bat ikastetxekoen iritziak ezagutzeko!

Zer dakigu kanpo-zorraz?

Zer dakite gure ingurukoek kanpo-zorrari buruz? Sortu dezagun galdera-sorta bat ikasi dugunarekin! Kanpo zorrari buruz dugun informazioa nahikoa eta egokia dutela uste dugu?

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons