es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Eskubideak eta betebeharrak. Lehen hezkuntza

5_alb_mh_der______640x480_

Material honek Lehen Hezkuntzako ikasleekin eskubide eta betebeharren gaia lantzeko proposamen didaktiko batzuk ditu. Hezkuntza etapa honi dagozkion diziplina kurrikular bakoitzetik eskubide eta betebeharren oreka lantzeko aukera ematen duten jarduera ezberdinak proposatzen dira. Azken finean, irakasleentzako erabilera errazeko tresna didaktikoa da, izan ere, hiritarren gaia ikasgelan ez ezik, familian, auzoan eta munduan ere lantzeko aukera ematen du eta. Betiere, etapa honetako kurrikuluak arlo eta hezkuntza-ziklo bakoitzerako markatzen dituen irizpideei jarraiki, prozedura berritzaileen aldeko apustua egin eta jokaera solidarioen gainean lan eginez.

Proposamen didaktikoa

Birzikla dezagun

Ba al dakigu zer birzikla dezakegun? Eta zein den erabili beharreko edukiontzia kaso bakoitzean? Zer botatzen dugu zaramara ikasgelan? Eta etxean? Bereizten al ditugu produktuak birziklatu ahal izateko? Jarduera honek bi aukera ezberdin ditu lana burutzen den zikloen arabera:

Zain ezazu zeure orria

Uste al duzue natura babestea garrantzitsua dela? Guk zer egin dezakegu babesteko? Prest al gaude hori lortzeko gelako kideen laguntzarekin?

Zer behar dugu?

Zeintzuk dira gure behar premiazkoenak? Pertsona guztiok al dauzkagu aseak? Behar duguna baino gehiago kontsumitzen al dugu? Aktibitate honetan gure beharrak asetzeko dugun kontsumitzeko nahiaren gainean hausnartzeko gonbitea egingo zaie ikasleei.

Problema segida

Ezagutzen dugu produktu batek jarraitzen duen prozesua egiten denetik merkaturatzen den arte? Zilegizkoa dela uste al duzue? Zein nolaki arazoak ditu? Eta sein soluzio proposatzen dituzue? Aktibitate honetan produktu bat egiten denetik merkaturatu arteko prozesua asaltzen duen bineta segida bat proposatuko zaie.

Musika sortzen dugu

Ezagutzen al ditugu nolako instrumentu musikalak erabiltzen dituzten Indian, Brasilen, Bolibian edota Madagaskarren? Nolaki musika sor dezakegu kaxoi edo giro afrikarra eta Peru herrikoa joaz? Eta Marfileko Kostako marakekin? Zer ekarpen egiten digute herrialde hauetako kulturek?

Munduko soinuak

Nolakoa da musika Brasil, Madagascar, Marfileko Kosta, Bolivia, India nahiz Peruko instrumentuak nahastuta abesti bat egiten dugunean? Gai izango al ginateke instrumentu hauek guztiekin orkestra bat sortzeko?

Banatzen duenak…

Teorian pertsna guztiok ditugu eskubide berbeak; baina betetzen al da hau praktikan? Bidezkoa al deritzozue gekan egiten den errekustroen banaketa? Eta zure auzoan egiten dena? Eta munduan? Zer egin dezakegu injusticia horiek ekiditeko?

Simon says

Jokoaren arauak entzuten eta errespetatzen ba al dakigu? Nola gabiltza psikomotrizitate aldetik?
“Simon Says” izeneko joko ezaguna egokitzean datza jarduera. Irakasleak ikasleek segitu beharreko jarraibideak aipatuz zuzenduko du jokoa. Honakoa esaten hasiko da: “Simon says, touch your nose” eta horrela gorputzeko atal ezberdinak aipatuko ditu.

¡Hello!

Ba al dakigu elkar diosal eta agur egiten ingelesez? Nola egiten dugu? Eta beste herrialdeek? Ba al dakizue nola agurtzen duten Japonian? Hitzez bakarrik komunikatzen al gara? Ahots tonuaren arabera zerbait gehiago jakin al dezakegu pertsona batek hitz egiten digunean? Eguneroko egoeretan ingelesez nahiz beste herrialdeetan egiten duten moduan diosal eta agur egiten ikasteko ariketa proposatzen da.

Munduko etxeak

Guztiok daukagu bizitzeko etxe baterako eskubidea, baina, etxe guztiak berdinak izan behar al dira? Inuiten etxeak pigmeoen berdinak, edota sahararren etxeak gure berdinak?

Alda dezagun moda

Zer-nolako eragina du gugan publizitateak erosterakoan? Marka jakin bateko produktuak hobeak direla uste duzue? Zergatik? Marka bat sortuko beharko bagenu, zein nolako ezaugarriak izatea gustatuko litzaizuke?

Berdinak edo ezberdinak?

Berdinak al gara guztiok klasean? Eta etxean edo auzoan? Hobea al da era batekoa edo bestekoa izatea? Zergatik? Nola litzateke mundua guztiok berdinak bagina?

Zubiak eraikitzen

Pertsona guztiok trebetasun berberak ditugu? Pertsona bakoitzak ahal duena ematen badu taldeak irabazten al du? Jarduera gune bat lurrean zuzenean sostengatzeko ezer jarri gabe zeharkatzean datza. Ikasleei azalduko zaie alegiazko ibaia zeharkatu behar dutela “busti” gabe pasatzea ahalbidetuko dien zubia osatuz.

Ura!

Pertsona guztiok al dauzkagu aukera berberak bizitza duina izateko? Emakume eta gizonen artean adibidez ba al dago desberdintasunik, eta txiro eta aberatsen artean? Zer egin dezakegu hori aldatzeko?

Ibilalditxoa gure eskubideetatik

Eremu eta leku guztietan eskubide eta betebehar berberak al ditugu? Ikasleei eskatuko zaie taldeka poster batez ohartu eta gainontzekoei honakoa azaltzeko: zer irudi ikusi dituzten, posterrak zer dioen, leku ezberdinetako jendea dagoen, zer iruditu zaien deigarria, eta abar..

Eskubideak eta betebeharrak adierazten ditugu

Ikasleei posterrak arretaz begira ditzaten eskatuko zaie. Taldeka lan daitezke honakoak: posterrak nola ordenatuko lituzketen, zeintzuk diren funtsezko ideiak eta gero, taldeka, aurkeztu beharko dute (antzezpenaren bitartez, lehiaketara aurkezteko marrazkia, idazlana edo komikia edo egindako berri bat, …) posterrek iradoki diena.

Eskubideak eta betebeharrak imajinatzen

Komunikabideek islatzen al dituzte gure eskubideak eta betebeharrak zeintzuk diren? Zein modutan? Ikasleak taldeka jarriko dira eta talde bakoitzak posterretako bat hautatuko du lan egiteko. Taldeak prentsan, publizitatean, eta abar posterraren esanahia eta sinbolismoa osatzeko irudiak bilatu beharko ditu, alegia, bertan adierazten denaren adibidea emango dutenak.

Zeintzuk dira gure eskubide eta betebeharrak?

Zein eskubide kontsideratzen ditugu oinarrizkoak? Eta zein betebehar dagokie eskubide hauei? Ziklo guztiekin aurreko jarduera guztiak eginda daudenean, hausnarketa egingo da oinarrizko eta ezinbesteko diren eskubide eta eskubide horiek bete eta berma daitezen dagozkigun betebeharrei buruz.

Printzesa gudaria

Emakumezkoek gizonezkoek besteko eskubideak al dituzte? Eta betebeharrak? Ikasleen artean printzesa gudariaren ipuina banatuko da. Bakoitzak berea irakurrita, generoarekin erlazionaturiko jarduera batzuk proposatuko dira.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons