es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Eskubideak eta betebeharrak. DBH bigarren zikloa

5_alb_mh_der__3___640x480_

Material honek DBH-ko ikasleekin eskubide eta betebeharren gaia lantzeko proposamen didaktiko batzuk ditu. Proposamen hau hiritartasun kontzeptua landu nahi den prozesu zabalago baten barruan kokatuta dago. Material honekin DBH-n dugun helburu orokorra, hiritar moduan ditugun eskubide eta betebeharrei buruzko kontzientzia hartzea da, eta gure munduaren eraldaketa prozesuan, bidezkoago eta elkarkidetsuagoa den mundu bat lortzeko, protagonista izatea da.

Proposamen didaktikoa

Oreka ekologikoa

Badakizu zer diren ekosistemak? Eta nola funtzionatzen duten? Bazter genezake ekosistemaren zati bat edota beharrezkoa da guztiaren artean oreka bat gordetzea bizi ahal izateko? Zergatik?

Ginkana izugarria

Garrantzitsua al da ingurugiroa? Zergatik? Nahikoa zaintzen al dugu? Zer gertatuko litzateke gure inguru naturalak suntsituko bagenitu eta dauden animalia gehienak desagerraraziko bagenitu? Zer egin dezakegu belaunaldi berriek ere inguruaz goza dezaten?

Etxeko animaliak: eskubideak eta zaintza

Etxe-animalia bat izatea polita da, baina, zein erantzukizun dagokigu hauetako bat izatea erabakiz gero? Animaliak konpainia ederra dira, baina guk gure aldetik asko jarri behar dugu. Ados zaude honekin?

Zeri gaude uko egiteko prest

Zein aldagai aztertzen ditu Giza Garapenaren Indizeak? Uste duzu Giza Garapenaren Indizea nolabait eskubideekin erlazionatua dagoela? Hiritarren eskuetan al dago egoera hau aldatzeko zerbait egitea? Nola eragingo lukete gure bizitzan aldaketa horiek? Eta besteen bizitzetan?

Teknologiarako aukera, gure eskubideak erabili ahal izateko adierazlea

Giza Garapenaren Indizea osatzen duten aldagaiak (jaiotzerakoan bizi itxaropena, hezkuntza lorpenak eta barne-produktu gordin erreala per cápita) nahikoak al dira garapena neurtzeko edo besteren bat gehituko zenuke? Zein? Teknologietara sarbidea izatea ere garrantzitsua al da?

Musika aniztasuna, kultura aniztasuna

Musikak balio al du komunikatzeko? Nolako gauzak komunika ditzakegu bere bitartez? Nola? Badirudi modan dagoela musika mota ezberdinak nahastea; musika mestizoa ere gero eta gehiago baloratzen da mundu mailan. Berdina gerta al liteke pertsonekin? Zergatik?

Etorkinei buruzko musika

Zer diote gure inguruko abesti batzuek emigrazioari buruz? Garrantzitsua al da musika mezuak transmititzeko? Abestien letren bitartez irits gaitezke beste modutara iristen ez garen jende multzo batengana?

Internet: informazioa edo desinformazioa?

Interneten ba al da adierazpen askatasunik? Zilegi al da nahi duenak nahi duena sarean jartzea? Nola erregula liteke hau? Nork erabaki behar du hau guztia?

Zertarako?

Busti beharko al genuke? Iritzia eman beharko al genuke bidezkoa eta bidegabea deritzogun gauzen inguruan? Pertsona ospetsuek, nahiz eta politikariak ez izan, salatu beharko lituzkete publikoki bidegabekeriak edo “besteen gauza” da hori?

Sexuen arteko berdintasuna gure historian

Zein paper jokatu dute historian zehar emakumezkoek eta gizonezkoek? Ardura historiko bat izan dutenen artean zergatik ezagutzen ditugu gizonezko gehiago emakumezkoak baino? Azken hauek ez direlako izan edota ikusezin bilakatu ditugulako? Zer egin dezakegu hau gehiagotan gerta ez dadin?

Europar biztanleak

Zer esan nahi du Europar hiritarrak izateak? Uste duzue hiritarrok erabaki politikoetan zuzenean parte hartu beharko genukeela kontsulta, asanblada eta beste parte-hartzeko mekanismo batzuen bidez? Uste duzue Europar Parlamentuak Europar hiritarrak egoki errepresentatzen dituela? Zein da parlamentu honen egitekoa?

Why?

Erlaziorik ba al dago giza duintasuna eta giza eskubideen artean? Gure buruari galdetu ahal diogu inoiz zer dela eta urratzen diren giza eskubideak? Zer pentsatzera bultzatzen gaitu Tracy Chapman-en abestiak zentzu honetan? Zeintzuk dira eguneroko bizitzan, ikasgelan edo auzoan, errespetatzen ez diren eskubideak?

Declaration

Erlaziorik ba al dago giza duintasuna eta giza eskubideen artean? Gure buruari galdetu ahal diogu inoiz zer dela eta urratzen diren giza eskubideak? Zer pentsatzera bultzatzen gaitu abestiak zentzu honetan? Zeintzuk dira eguneroko bizitzan, ikasgelan edo auzoan, errespetatzen ez diren eskubideak?

Pertsona guztiok gara protagonista

Nahikoa baloratzen al dugu gure burua? Beharrezkoa al dugu besteen errekonozimendua eta onespena? Nola eragiten du gure buruarekin daukagun irudiak besteekin erlazionatzerakoan eta beste eremuetan parte-hartzerako orduan? Talde txikietan, baloratuta sentitzearen gaineko hausnarketa egingo dugu. Jesus ezagutzen saiatuko gara duin bihurtu eta morrontza orotik askatzen gaituena legez.

Zeintzuk dira gure eskubide eta betebeharrak?

Pertsona batzuk beste batzuk baino gehiago baloratzen al dira? Zein eskubide dauzkagu pertsonok? Zein betebehar ditugu eskubide hauek mantendu ahal izateko? Aurreko jarduerari berriro helduta, Juanen 4,1-14 testua (bere ordez honakoak erabil daitezke: Jn 5,5-18, Jn 8,1-11, Lc 7,11-17,Lc 15,25-32, Mc 7,31-37) hartuko dugu. Irakurri eta fitxa 1eko galderei erantzungo diegu eta taldean landutakoa komunean jarriko. Amaitzeko, aurreko jarduera eta jarduera honetako garrantzitsuena jasoko dugu esaldi batean, gai hauetan presente izan diren pertsonei helaraziko diegu: familia, lagunak, gaisoak…

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons