es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Parte Hartzea. Lehen Hezkuntza

5_alb_mh_par__2___640x480_

Karpeta pedagogiko honek hainbat proposamen didaktiko ditu eta, horien bidez, curriculumeko materia bakoitzetik abiatuta, gizartearen parte hartzearen gaia landu daiteke. prozedurazko proposamen berrietatik abiatuz jarrerak eta balioak lantzeko apostua egiten duen materiala da.

Proposamen didaktikoa

Hedapen azkarra

Imajina dezakezue zenbaterainokoa den loreek duten ugaltzeko gaitasuna eta azkartasuna? Eta gutako bakoitza saiatuko balitz egiten dituen ekintza baikorrak ere biderkatzera? Efektu biderkatzailea ez al da era berean izugarria? Zein nolako abantailak lituzke horrek?

Kokatzen

Ebaz dezakegu zein den jarduerak proposatzen duen egoera? Asmatzeko, garrantzitsua izan al da pertsona guztien partaidetza? Uste duzue errazagoa dela ebazpena lortzea banaka edo taldean lan eginez? Nola antolatu zarete taldeko pertsona guztien iritziak jasotzeko?

Plan ona

Nola bultza ditzakegu beste ikasleak eskolan birziklatze-plan batean parte-hartzera? Zein nolako jarduerak egingo zenituzkete planaren barruan? Eta nola antolatuko zinatekete jendea animatzeko? Zein abantaila ditu ahalik eta ikasle gehienek parte-hartzeak?

Tantaz tanta

Proposatzen diren bi irudien artean zeinetan uste duzue aurrezten dela ura? Uste duzue garrantzitsua dela uraren erabilpen kopurua zaintzea? Zer egin dezakegu eguneroko bizitzan gutxiago kontsumitzeko? Zertarako erabil genezake kontsumitzen ez dugun ura?

Zer dio gure gorputzak?

Egin dezagun ideia zaparrada bat parte-hartzea hitzarekin. Zein hitzekin erlazionatzen dugu? Gai izango al ginateke gure gorputzekin eta taldeka ideia zaparradako hitzen batekin hizki bat irudikatzeko? Eta hizki guztia beste taldeekin koordinatuta? Zer behar dugu horretarako?

Makii

Ikas dezagun Ginea Berriko bolo joko bat. Zaila egin zaizue jokoan berdinketa lortzea? Ohituak al gaude berdinketa bilatzera jolasten ari garenean? Eta zer lortzen da pertsona guztiek parte-hartzen dutenean helburu bera lortzean?

Enkartelada

Zer iradokitzen digute irakasleak erakusten dizkiguten argazkiek? Gustatzen al zaizue bertan ikusten duzuena? Zergatik? Nola parte-har dezakegu argazkietan ikusten duguna salatzeko? Ariketa honetan irakasleak irudi bat hautatuko du gelan lantzeko. Irudi horrek errealitate nahiko txarra erakutsiko du (ingurumena hondatzea, energia gehiegi gastatzea, haurren lana…).

Go!

Ezberdintasunik atzematen al diozue bakarrik edo taldean jolasteari? Zein? Taldean jolasten badugu, nolako eragina izan dezakete partaide bakoitzaren ekintzek taldeko besteengan? Zein neurrian eragin diezaieke? Eta ekintza handiagoetan parte-hartzen badugu? Ez duzue uste eragin dezakegula eta lortu ditzakegula emaitza hobeak?

Egin dezagun hegan irudimena erabiliz

Kometa bat egiteko taldekide bakoitzak duen materiala erabili beharko bagenu, nola antolatuko ginateke? Taldekide guztiek izan al duzue aukera zuen ideiak eta materiala kontuan hartuak izateko?

Alda dezagun irudia

Zer iradokitzen dizue neskaren argazkiak? Zer sentitzen duzue irudira begiratzean? Zenbat urte dituela uste duzue? Eta nongoa dela esango zenukete? Bere egoera ezaguna egiten zaizue? Argazki hau beste argazki batengatik aldatzeko aukera ematen zaizue. Nolakoa gustatuko litzaizueke izatea irudi berri hau?

Urakana dator!

Imajina ezazue bidaia bat egingo duzuela eta taldean aukeratu behar duzuela zer eramango duzuen bidaia horretara. Gainera, mugatua da eraman dezakezuena. Uste duzue ados jarriko zinetela aukeraketan? Nola? Guztion parte-hartzea kontuan izan duzue adostasun batetara heltzeko?Ariketa honen helburua taldekako dinamika parte-hartzailearen bidez elkarrizketa, erabakiak hartzea eta akordioak lortzea lantzea da.
Horretarako, fikziozko egoera bat sortuko da eta talde bakoitzak hasi duen bidaiarako zein hiru elementu komun behar dituen erabaki beharko du. Ariketa hasteko 1.1 fitxa banatuko zaie ikasleei. Fitxa horretan zer egin behar duten adieraziko zaie. Irakurritakoan, bost pertsonako taldeetan elkartuko dira eta ariketa egingo dute. Azkenik, hausnartzeko eta ondorioak zehazteko galdera batzuk proposatuko dira.

Asma dezagun ipuin bat!

Gai al gara historia bat sortzeko gelakide guztien artean? Zein abantaila ditu gelako kide guztiak kontakizuna sortzean parte-hartzeak?

Expo-partaidetza

Zer errepresentatzen dute posterretako irudiek? Taldeko guztiek bat egiten al duzue posterrek iradokitzen dizuetenarekin? Aurkeztu diezaiekezue beste taldekideei zuen taldeak dituen posterrak? Zein posterrek jasotzen du hobeto eremu ezberdinetan, hala nola, eskolan, familian edo auzoan, parte-hartzearen garrantzia?

Ipin diezaiegun ahotsa irudiei

Zeintzuk iruditzen zaizkizue direla posterrek jasotzen dituzten ideia nagusiak? Modu batera edo bestera ordenatuko al zenituzkete? Eta kontakizun bat sortuko zenukete posterren segida hori jarraituaz?

Hartu hitza

Zein bide daude munduan modu batera edo bestera parte-hartzeko? Uste duzue parte-har dezakegula eremu ezberdinetan, esaterako, etxean, auzoan, eskolan? Nola egin dezakegu? Animatzen zarete idaztera bururatzen zaizkizuen ideiak poster zurian?

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons