es eu en

Materialak bilatu

Bilaketa aurreratua

Heziketa baliabideak

Konta ezazu ondo

Munduko Hiritarrok. Parte Hartzea. DBH Lehenengo zikloa

Part

Karpeta pedagogiko honek hainbat proposamen didaktiko ditu eta horien bidez, curriculumeko materia bakoitzetik abiatuta, gizartearen partaidetzaren gaia landu daiteke. Prozedurazko proposamen berrietetaik abiatuz jarrerak eta balioak lantzeko apostua egiten duen materiala da.

Proposamen didaktikoa

Datuak interpretatuko ditugu

Zertan gastatzen da batez ere dirua mundu mailan Giza Garapeneko txostenaren arabera? Zenbat aldiz gehiago inbertitzen da dirua gastu militarretan oinarrizko hezkuntzan baino? Zein ondorio ateratzen ditugu? Bihur ditzakegu dolarrak euroetara eta datuak grafiko bitartez aurkeztu?

Informatu eta jardun

Imajina dezagun GKE bat garela eta herrialde batetako Giza Garapenaren Indizea aztertu nahi dugula. Behin ikerketa egin dugunean, Nazio Batuen Batzar Nagusian zein nolako jarduteko proposamenak aurkez ditzakegu? Zergatik aurkezten ditugu proposamen hauek? Jende askorengana iristen direlako edota kostu txikiak dituztelako?

Parte hartu aldatzeko

Gizartean edo eskolan parte-hartzeko zein nolako bideak ezagutzen ditugu? Ezagutzen ditugu, adibidez, zer diren Haur Kontseiluak? Uste duzue garrantzitsua dela pertsonak antolatzea proposamenak egiteko, edo zerbaiten inguruan kexatu nahiz salatzeko? Nola antola gaitezke gure eskolan?

Gure errealitatea, parte hartzeko aukerak

Zein da gure auzoaren egoera erreala? Ze ekintzak egin dira bertako egoera hobetzeko? Eta zein eragileri eskerrak egin dira? Gure auzoaren egoera hobetze aldera zein dira parte-hartzeko ditugun bideak?

Historia ezkutukoena

Zer gertatu zen Asian, Ameriketan edota Afrikan Frantzian Iraultza Frantsesa gertatzen ari zenean? Konta genezake beste herrialderen batean zer gertatu zen garai berean? Afrikari buruz Europa nahiz Amerikaren inguruan dugun idatzizko informazio berbera al daukagu? Zergatik? Hitzik ez duten herrialdeei eta taldeei hitz egiteko aukera emateko zer egin dezakegu?

Parte hartu nahi dut

Animatzen gara antzeztera mimika bidez hiritarrek parte-hartzeko duten bide bat? Nola sentituko ginateke beste talde batek ez baligu parte-hartzen utziko? Hiritarren parte-hartzea pertsona guztien oinarrizko eskubide bat al da?

Ezinezko zeregina

Pertsona guztiak zerbaitetan parte-hartzen dugunean, erraza al da taldea koordinatzea eta akordioetara iristea? Nola antola gaitezke horretarako? Zein nolako egoeretan parte hartu izaten dugu? Nola egiten dugu? Nola sentitzen gara? Pena merezi al du?
Ikasleak bi talde handitan banatu eta bakoitzak zeregin bat izango du.

Have you thought?

Gai al gara X en atzean dauden hizkiak deszifratzeko? Zer iruditzen zaigu testuak planteatzen duen gogoeta? Uste duzue pertsona guztiek parte-hartzea garrantzitsua dela? Aurkez ditzagun telebistako albistegi baten bitartez atera ditugun ondorioak!

Eta zuk zer egiten duzu?

Egiten dugunak ba al dauka eraginik gure inguru hurbilean? Nolako parte-hartzea bultza genezake ingurugiroan modu positiboan eragiteko? Ezagutzen ditugu 3 R izeneko araua eta presio soziala egiteko kanpaina ezberdinak? Nola eman diezaiekegu eskolako beste kideei egin dugun gogoetaren berri?

Uraren arazoa

Egin dezagun rol joko bat eskualde batean uraren horniketarekin dauden arazoen inguruan. Zein nolako argumentuak proposatzen ditu kolektibo bakoitzak? Eta nola iritsi zarete akordio batetara? Zuen ustetan, nolako ezaugarriak izan behar ditu parte-hartze arduratsu batek?

¡Nunca mais!

Badakigu zer gertatu zen Prestige-rakin? Zein paper jokatu zuten eta parte-hartzeko zein bide erabili zituzten eragile ezberdinek, hala nola, gobernuak, arrantzale kofradiek edota boluntarioek? Ba al dago gaur egun gai honen inguruan martxan kanpainarik? Animatzen gara eskolako beste kideak gai honen inguruan informatzera?

Gure munduaren sintomak

Aukeratu munduan ondorioak dituen gaur egungo gai bat, adibidez, haurren lana, kanpo zorra, gastu militarrak…Zein informazio jasotzen dute komunikabideek- prentsak, internetak- gai honen inguruan? Egoera hobetu ahal izateko nolako parte-hartzeko bideak daude? Animatzen gara jasotako informazioarekin albiste bat edo irrati programa bat egitera?

Bideak ikertzen ditugu

Zuen inguru hurbilean nolako elkarteak daude? Animatuko ginateke beraien lana hobeto ezagutzera? Taldeka, bi erakundetara bisita egin eta elkarrizketa bat egingo dute, zein esparrutan lan egiten duten eta parte-hartze sozialerako zein aukera eskaintzen duten jakiteko.

Gure proposamenak

Nolako berriak idatziko genituzke haurren lana, gastu militarren edota kanpo zorraren inguruan? Nahi duzu zure berriak beste pertsonekin elkarbanatzea?

Parte hartu zure bisitan

Zer iradokitzen digute posterrek? Zein ondorio ateratzen ditugu? Posterretako esaldiak desestali ostean, guk atera ditugun konklusioek bat egiten al dute posterrek transmititzen dituzten esaldiekin?

Eta nola egingo dugu?

Zein nolako moduak ezagutzen ditugu parte-hartzeko? Eta non parte-hartzen dugu, eskolan, etxean, auzoan? Animatzen gara poster zurian jasotzera gure ideiak?

Zenbat pisatzen du elur-maluta batek?

Noizbait geratu gara pentsatzeko zer nolako eragina izan dezaketen gure ekintzek? Ondorengoa ipuina ia pisurik ez zuten txori, zuhaitza eta elur maluta baten istorioa da.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons