es eu en

Materialak bilatu

Bilaketa aurreratua

Heziketa baliabideak

Konta ezazu ondo

HAMA 2009. Liburu bat zabalduz, mundua eskura

Same eu

2009an HAMAk gazteen eta helduen alfabetatzean eta etengabeko ikasketan jarri nahi du arreta, bi gai horiek eragin handia dutelako pobreziaren aurkako borrokan eta hezkuntzarako eskubidea lortzean.

Proposamen didaktikoa

Nork daki irakurtzen eta idazten?

Izena ezagutzeko eta idazteko hainbat jarduera egingo da. Horretarako, hauek proposatzen ditugu:

Zer egingo dugu heldu izan, eta idazten eta irakurtzen dakigunean?

Hainbat nazionalitatetako neska-mutikoen argazkiak edo marrazkiak erakutsiko dizkiegu. Irudi bakoitzaren ondoan paper bat jarriko dugu, eta laino bat marraztuko dugu (ametsak irudikatzeko kode grafikoa). Haurrek izenak jarri behar dizkiete pertsonaiei. Ondoren, gurasoen lanbideei buruz hitz egingo dute, eta heldu direnean zer izan nahi duten galdetuko diegu.

Zertarako jakin irakurtzen eta idazten?

Kolore banatako bi kartoi mehe jarriko dizkiegu, bakoitzean galdera bat idatzita:
- Zer gauza gehiago egiten ditut orain, irakurtzen eta idazten badakidanean?
- Zer gauza egin nitzakeen irakurtzen eta idazten ez nekienean?

Detektibeak gara eta kasuak ebazten ditugu.

Ikasleak taldetan jarriko ditugu. Talde bakoitzari kasu bat eman, eta kasua ebazteko konponbideak bilatzeko esango diogu. Zeregin horretan laguntzeko komiki bana emango diegu. Komikiak hiru bineta izango ditu, eta lehenengoa eginda edukiko du. Kasua ebatzi dutenean, beste bi binetetan marrazteko esango diegu.

Helduen egun bat

Rol-joko bat proposatuko diegu. Ikasleek helduen eguneroko jarduerak egingo dituzte joko horren bidez; dena den, batzuek ezingo dituzte ulertu jarduera egiteko informazioa eta jarraibideak, paperean idatzita dagoena ulertuko ez dutelako.

Kontatu zer ikasi duzun

Irakurtzen eta idazten jakiteko aukerarekin erlazionatuko alderdi zehatzei buruz hausnartzeko da jarduera hau. Horretarako, pertsona heldu zirela alfabetatu zirenen testigantzak erabiliko ditugu; haien esperientzia hartuko dugu kontuan.

Komunitatean bizitzeko ikasi

Hasi jarduera galdera hau botaz:

Eta ez bazeneki…

Ikasleei HAMA zer den azalduko diegu, eta gutxienez, 15 urtetik gorako 10 pertsonari inkesta hau egiteko esango diegu.

Eguneroko bizitza hitzetan

Egun oso batean irakurketa-beharra duten zenbat jarduera egiten dituzten ohartzeko esango zaie ikasleei. Irakasleak arreta handia jartzeko nabarmenduko die, jarduera askotan konturatu ere egin gabe egiten baitugu gauzak.

Irakurtzea ulertzea da?

Irakurketa ulertzeak zer esan nahi duen baloratzeko, ikasleei alfabetatze hitzarekin zer ulertzen duten galdetuz hasiko da jarduera. Guztion artean definizio bat egiten saiatuko gara.

Alfabetatzearen balioa

Alfabetatze terminoak eboluzionatu egin du denborak aurrera egin ahala. Jatorri grekoa du (alfa,beta). Taldean zer eboluzio izan duen ikertuko dute ikasleek. Nazioarteko erakundeek alfabetatzeari buruz eman dituzten definizioak aurkituko dituzte, gerora agertu diren alfabetatze funtzionala, alfabetatze zientifikoa edo alfabetatze digitala kontzeptuak ulertzeko.

Hitzekin bide berriak eraiki

Duela gutxiko historian alfabetatze-kanpaina asko egin dira. Hezkuntzan, espezializatutako GKek alfabetatze-proiektuekin bide berriak eraikitzen egiten dute lan, beste erakunde publiko eta/edo pribatu batzuekin batera, behar gehien dagoen lekuetan.

Liburu bat zabalduz, mundua eskura

Irakurri testigantza hauek.

Amaitu gabeko esaldiak…

Alfabetatzearekin erlazionatutako esperientzia pertsonalak partekatzeko, alfabetatzeari buruzko bideoren bat ikustea gomendatzen da. Proposamen batzuk:

Irakurketa Zabala

Hezkuntzaren Aldeko Munduko ekintza-astean (HAMA) mundu osoko milioika pertsona mobilizatuko dira, goiburua Liburu bat zabalduz, mundua eskura dutela, gazteen eta helduen alfabetatzea errealitate bihurtzeko eta pertsona guztiek hezkuntzarako eskubidea izateko.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons