es eu en

Materialak bilatu

Bilaketa aurreratua

Heziketa baliabideak

Konta ezazu ondo

Hezkidetzan Hezten

Resized_p1030919

ALBOANek ibilbide luzea egina du bai hezkuntzaren alorrean, bai emakume eta gizonen berdintasuna lortzeko lanean. Baina, generoaren ikuspegia gure hezkuntza-proposamen guztietan sartu badugu ere, orain arte ez dugu zehazki landu baterako hezkuntza. Geure buruari galdetu diogu ea ALBOAN bezalako GKE batek nola lagundu dezakeen hezkidetza kontuan hartzen duten eskolak eraikitzen, bai egitura formalari dagokionez, bai ideologia eta hezkuntza-jarduera kontuan hartuta.

Gure helburua hezitzaile guztiekin batera aurrera egitea da, pertsonen garapen integrala lagunduko duen heziketaren diseinuan. Gure neskak, mutilak eta gazteak berdintasunean, zuzentasunean, kooperazioan eta arduran hezi nahi ditugu, gure mundu globalak behar dituen herritar osoak izan daitezen.

Alor honetan aurrera egiteko, 2013ko urtarrilean “Gela hezkidetzailetik plaza berdintzailera” izeneko proiektua jarri genuen martxan, Bizkaiko Foru Aldundiaren finantziazioari esker. Bi egoera geografiko oso desberdin hartzen dituen ekimen bat da: batetik, Euskadi, eta, bestetik, Guatemala. Herrialde hartan, Fe y Alegría Guatemala eta Instituto Guatemalteco de Educación Radiofónica (IGER) erakundeen laguntza dugu.

Proiektu honen bidez lortu nahi duguna da Euskadin eta Guatemalan landutako hezkidetzako testigantzak eta esperientziak jasotzea, bi errealitateetan baterako hezkuntzak izan duen ibilbidea jaso eta ezagutu dezagun eta horri buruz eztabaidatu dezagun.

Proposamen didaktikoa

Hezkidetzari buruzko Bideoak (1)

Lekeitioko Eskola Publikoan Hezkidetza eta genero indarkeria prebenitzeko proiektua aurrera daramate.

Hezkidetzari buruzko Bideoak (2)

Irungo Toki Alai ikastetxean Emakunde erakundeak sortutako Nahiko izeneko hezkidetza programa martxan jarri da.

Hezkidetzari buruzko Bideoak (3)

Zornotzako Andra Mari ikastolan Emakunde erakundeak sortutako Nahiko izeneko hezkidetza programa martxan jarri da.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons