es eu en

Materialak bilatu

Bilaketa aurreratua

Heziketa baliabideak

Konta ezazu ondo

Gatazkarik Gabeko Teknologia: zure mugikorrak ezkutatzen duena

Lo que tu movil

Gatazkarik gabeko teknologia ALBOANen kanpaina bat da, eta haren asmoa da ezagutzera ematea mugikorrek, tabletek eta ordenagailuek Kongoko Errepublika Demokratikoko ekialdeko gerrarekin duten lotura. Era berean, eskura ditugun lankidetza-proposamenak planteatzen dizkigu indarkeria geldiarazten laguntzeko.

Proposamen didaktikoa

Esaidazu nor zaren!

Gaiarekin lehen harremana (kontaktua) eta aurkezpena. Dinamika honen bidez, gure eguneroko bizimoduko produktu jakin bat mundu globalizatuarekin lotu nahi dugu, ikusirik hark duen inpaktua garapen-arazo orokorretan (birziklaketa, kontsumo-gizartea, minerala erauzten den lekutik gure mugikorrerainoko bidea,
muntaketa-industriak…).

Gatazka mineralen definizioa

Gatazka mineralen gaia jorratzeko, zertaz ari garen zehaztu behar dugu lehenik eta behin. Lehenbiziko definizioa (eta errazena) hau dugu: gatazka, gehiegikeria edo giza eskubideen urraketaren batekin lotura duten mineralk dira.

Gure poltsikoraino egiten duten ibilbidea, eta ondorengoa.

Mineral eta lehengai asko eta asko dituzte gure mugikorrek, tartean direla “gatazka mineralak”, hau da, Kongoko Errepublika Demokratikotik eta laku Handien eremutik ekartzen diren tantalioa, wolframa, eztainua (3T-ak esaten zaie, ingelesezko siglengatik) eta urrea. Eguneroko bizimoduan erabiltzen ditugun produktuetako askotan erabili ohi dira mineral horiek.

Aldaketarako proposamenak

Gizarte osasuntsu bat, gure ustean, hiru botere-eremuen arteko oreka duena da. Hiru botere hauek, botere politikoa, ekonomikoa eta soziala dira.

Sexu-indarkeria gatazketan

Bizi garen gizarte-sistemak jaiotzean dugun sexuaren araberako eraikuntza du oinarri. Gizarte-eraikuntza horrek eta sistema horrek desberdintasunak eragiten dituzte gizon eta emakumeen artean, eta gizartean ditugun aukerak baldintzatzen eta mugatzen dituzte (maila pertsonalean, laboralean, politikoan, ekonomikoan, zein sozialean). Sistema horrek botere-harreman desberdinak ezartzen ditu, eta emakumezkoen posizioa eta kondizioa ahulagoa izatea eragiten du.

Gatazka-mineralak arautzeko ekimenak AEBko eta Europako kasuak

Azken urte hauetan, gatazka-mineralen gaia arautzen ari dira maila nazionalean eta nazioartean. Gizarte zibilaren helburua da gure kontsumoak ez eragitea edo ez elikatzea gatazkarik planetako beste leku batzuetan; hori dela eta, mineral horien erauzketa eta salmenta arautzeko egiten dituen eskaerek gero eta eragin handiagoa dute.

Norena da natura?

Baliabide naturalen ustiaketa kontrolatzen duten erauzketa-industrien eta transnazionalen jardunbidea salatzen ari da gizarte zibila. Horrez gain, badago gaiari gerturatzen garenean, zalantza eragiten digun beste elementu bat, eta baliabide naturalez ari garenean azpian dagoen beste galdera hauxe da: “Norena da natura?”

Makila elektronikoetako muntaketa

Mugikorrek eta beste gailu elektronikoek gure poltsikora iritsi arte egiten duten bidaiarekin jarraituz, gailu horiek muntatzen diren enpresa edo tailerren errealitateari so egin behar diogu orain.

Proposamenak, kontsumoaren ikuspegitik

Gutariko bakoitzak kontsumitzaile gisa dugun boterea erabil dezakegu gatazkarik gabeko teknologia lortzearen alde. Baina geure buruari galdetu diezaiokegu: Zer paper jokatzen dugu kontsumo-gizarte honetan? Nola balia ditzakegu gure ohiturak, jardunbideak, erosketak… Mundu globalizatuaren errealitatean eta, zehazki, teknologian eragiteko?

Fairphone, mugikor berezi bat

Gatazkarik gabeko teknologia lortzeko aurkitutako proposamenen artean, oso interesgarria den bat nabarmendu behar da; Amsterdamgo pertsona-talde baten ideiak izan ziren abiapuntua. Haien helburua, gai honetan herritarrei benetako alternatibak eskaintzea da. Gizarte zibil antolatuko talde hori enpresa bilakatu da, eta 2013an, crowfundingaz baliatuz, estandar etikoak eta giza eskubideak errespetatuz egindako telefono bat merkaturatu zuten. Fairphone du izena mugikorrak (bidezko mugikor edo telefonoa), eta bere ezaugarriei buruzko informazioa zabaltzen dizuegu fitxa honetan.

Zure mugikorraren bizitzaren amaiera, E-Waste, zabor elektronikoa

Hasi baino lehenago, egin dezagun zabor elektronikoaren edo e-waste delakoaren definizio labur bat. Zabor elektroniko deritzo balio-bizitzaren amaierara iritsi diren, eta, beraz, baztertzen diren, gailu elektriko edo elektronikoen multzoari. Ordenagailu zaharrak, mugikorrak, etxetresna elektrikoak, MP3 erreproduzigailuak, tabletak, USB memoriak, inprimagailuak eta abar izan daitezkeelarik. Batzuk hautsi egiten dira, beste batzuk zaharkituta gelditzen dira teknologiaren aurrerapena dela eta, edo, besterik gabe, gehiago gustatzen zaizkigun ezaugarriak dituen modelo bat ateratzen da. Alegia, mugikorrak zabor elektronikoaren parte bat dira; baina ez dira osagai bakarrak.

Kongoko ED, Moliba Makazi

Kongoko Errepublika Demokratikoa, zoritxarrez, guztiontzat ezaguna da azken bi hamarkadetan herrialdearen ekialdea suntsitzen ari den gatazka armatuagatik, emakumezkoentzako herrialderik txarrena izendatua izateagatik edo azken postuetan egoteagatik Nazio Batuen Garapen Programak urtero argitaratzen duen Giza Garapenaren Indizean.

Espiritualtasuna abiapuntu duten baliabideak

Fitxa honetan, GATAZKARIK GABEKO TEKNOLOGIA gaia lantzean, espiritualtasuna abiapuntu harturik, gogoeta sakon bat egiten lagunduko diguten baliabide batzuk eskaini nahi ditugu. Ezin ditugu begiak itxi munduaren aurrean. Eta ezin gara epel geratu gure inguruko errealitate lazgarrien aurrean.

Espiritualtasuna abiapuntu hartuta gogoeta egiteko argibideak

Fitxa honetan, GATAZKARIK GABEKO TEKNOLOGIA gaia lantzean fedetik abiatuta gogoeta sakon bat egiteko argibideak bildu nahi ditugu.
Kontua ez da eduki gehiago ikustea, ezta beste fitxa edo saio batzuk egitea ere; kontua da jarduerek aurrez aurre jartzen diguten munduari eta egoera zehatzari so egitea, fedearen begiekin.
Urrats edo argibide hauek iradokitzen ditugu guk; talde bakoitzak egokitu egin ditzake (eta egokitu behar ditu) bere berezitasunaren arabera.

Lurra eta emakumeak beren burua defendatzen

Jarduera honetan naturara irtetea proposatzen dizuegu, eta zuen gorputzari erabateko arreta jartzeko unetxo bat hartzea.
Konzentrazio une bat pasa ondoren zenbait galderak proposatzen dira bakardadean pentsatzeko eta taldean azaltzeko.

Kongoko emakumeen partaidetza artisau-meatzaritzan

Jarduera honetako helmuga Kongoko emakumeek meatze-komunitateetan jorratzen dituzten rolak bistaratzea eta egunero pairatzen
dituzten bidegabekerien kausak identifikatzea da.

Emakumeak beren eskubideen defentsan

Hogei urtetik gora dira Kongoko Errepublika Demokratikoa (K.E.D.) gerran dagoela. Mineralen kontrola bereganatzeko interes ekonomikoek elikatzen dute borroka hori, eta emakumeak gatazka horren lakra jasaten ari dira, sexu-indarkeria armatzat erabiltzen baita, eta, hala emakumeak makurrarazi eta eskubiderik eta justiziarik gabeko bizitzara kondenatzen dira.

Gatzka mineralak nire mugikorrean?

Ez, eskerrik asko. Gatazkarik gabeko teknologia nahi dut.

Gatzka mineralak nire mugikorrean? (pdf, 539.5 KB)

Erantzungor jarraituko duzu?

Ahaztutako eta iraupen luzeko gatazka.
100000 bortxaketa urtean.
Lekualdaketak (2013an soilik miloi pertsona bat baino gehiago).
5 miloi hildako (2. Mundu Gerraz geroztik hildako gehien dituen gatazka).

Erantzungor jarraituko duzu? (pdf, 622.1 KB)

Zure mugikorraren bidea

-Erauzketa
-Esportazioa
-Galdaztea
-Muntaketa
-Kontsumoa
-Zabor elektronikoa

Zure mugikorraren bidea (pdf, 551.4 KB)

Sexu-indarkeria gatazketan

Jugoslavia ohiko gatazkan 60000 emakume izan ziren sexu indarkeriaren “biktima”.
Ruandako genozidioak iraun zituen 100 egunetan 100000tik 250000ra-arteko emakumek jasan zuten sexu indarkeria.
Kongoko EDN, 20OOOO emakumek jasan dute indarkeria mota hau.
(Americal Journal of Public Bealthen arabera 1000 izango lirateke egunero).

Sexu-indarkeria gatazketan (pdf, 446.7 KB)

Non nahiko zenuke zure mogikorrak amaitzea?

Afrikako Ghanan teknologikar zarama zabortegian?
Hobe zure mugikorra kongoren alde ematen baduzu.

Non nahiko zenuke zure mogikorrak amaitzea? (pdf, 2.6 MB)

Txipa aldatu!

Txipa aldatu! (pdf, 2.1 MB)

Mugikorra aldatzeko gida; Noiz da mugikorrez aldatzeko momentua?

Mugikorra aldatzeko gida; Noiz da mugikorrez aldatzeko momentua? (pdf, 514.8 KB)

Aldaketarako proposamenak

Politika esparruan
-Sina ezazu europar araudi baten alde
Gizarte zibilaren esparruan:
-Treba zaitez
-Izan aktibista
-Diruz lagundu
Merkatuaren esparruan
-Eska ezazu gatazkarik gabeko teknologia
-Erosi aurretik informa zaitez enpresaren baldintzen inguruan
-Birzikatu

Aldaketarako proposamenak (pdf, 437.1 KB)

Araudi ezberdinen argi ilunak

AEB: Dodd Frank
EB: 2014ko martxoaren 5eko proposamena
Gizarte zibliaren eskaerak

Araudi ezberdinen argi ilunak (pdf, 678.6 KB)

Moliba Makazi

Kondairaren arabera Vele ibaiko arrantzaleak ontzian atera ziren arrantza egitera; baina tamalez ez zuten ezer arrantzatu. Hori dela eta, beste leku batera joatea erabaki zuten eta bide hau kantuan egin zuten. Kasai jainkoari laguntza eske. Ibaiaren korrontea handiegia zen, ordea, eta ezin zuten berau gainditu. Orduan, Benguela jainkoari eskatu zioten laguntza, arbasoen espirituekin bitartekotza-lanak egiten zituen jainkoari.
Abestiak adierazi nahi digu, bidea zaila izan arren, arrainik ez egon arren, edota korrontea handia izan arren, elkarrekin egiten badugu arraun, gure helburua lortuko dugula.

Moliba Makazi (pdf, 754.5 KB)
© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons