es eu en

Materialak bilatu

Bilaketa aurreratua

Heziketa baliabideak

Konta ezazu ondo

Hezkidetzan hezi, berdintasunean hazi. Haur eta lehen hezkuntza

Hezkidetza 1 eu

Material honek proposamen grafiko bat du lagungarri gisa, eta lau gai edo lema handitan banatuta dago, gure ikasleekin kontzeptuak eta egoerak lantzeko abiapuntu gisa erabiltzeko.
Hauek dira landutako gaiak:

Kategoria: Hezkidetza

Proposamen didaktikoa

Munstro arrosa

Alfonbra gainean biribilean eseri ostean, irakasleak ipuina irakurriko du eta galderak egingo ditu, denen artean irakurritakoa ulertu duten edo ez ikusteko; besarkaden dinamika batekin jarraituz.

Emozioen egunerokoa

Mimikaren bidez, ikasleak emozioak antzezten saiatuko dira, eta jarraian galdera batzuk egingo zaizkie: noiz sentitzen zarete horrela? nola lasaitzen zarete? Geroago, koadernotxo bat egin beharko dute elkarrekin, berriz ere emozioak errepresentatuz, baina irudien bidez. Nahi izatekotan, egunero klase amaieran ikasleei nola sentitu diren galdetu ahal zaie, gometxekin edo margoekin eguneroko txiki baten antzekoa sortzeko.

Berdinak

Ariketa honetan ikasleak Iguales jolasarekin arituko dira (Memory-ren antzekoak) rolak gainditzeko helburuarekin. Adinaren arabera bi eratan jokatu daiteke. Lehenik, kartak alderantziz egonik, bi hartu beharko dituzte, berdinak diren bikoteak lortzeko helburuarekin; horrela, kartak agortu arte. Bigarren forman,txikiagoentzat izango litzatekeena, irakasleak fitxa bat deskribatuko du eta umeek karta aurkitu beharko dute. Dinamika amaitzerakoan, rolen inguruko galderak egingo zaizkie umeei estereotipoak apurtzen saiatzeko.

Amona mantalgorri, atzo ze berri?

Ariketa honetan, ikasleak haien amonen haurtzaroa nolakoa zen imaginatu beharko dute eta horren inguruko galderak prestatu beharko dituzte. Galderak jaso ostean, amama gonbidatuak sartuko dira gelan eta umeek galderak egin beharko dizkiete. Ariketarekin amaitzeko, ikasleei saioari buruz galdetuko zaie, zer harritu eta zer gustatu zaien galdetuz.

Zaintzen zaintzen

Ariketaren hasteko, lehenik euskal mitologiako munduaren sorreraren mitoa irakurriko zaie ikasleei, jarraia norbait edo zerbai zaintzen duten galdetuz eta naturaren urraketaren kontzeptuari sarrera emanez. Bigarren saioan, naturaren defentsan oso izagunak izan diren 6 emakume babestu zutenarekin lotzeko eskatuko zaie, eta jarraian mapan kokatu beharko dituzte. Azkenik, Amalur abesti entzun dezakete.

Zaharrak berri

Ariketa honetan, ikasleak jolasten dauden bitartean IZOZTUTA esan beharko da eta geldi egoteko eskatuko zaie. Jarraian, lekua guztiak batera sokarekin saltoka ibiltzeko erabiliko da eta gero elkarrekin jolastea, jolasteko espazio bera izatea eta aukera berdinak izatea nolakoa izan den hausnartu beharko dute. Ondorengo egunerako abesti berriak ekarri beharko dituzte eta seguruenez “Aita-Ama” abestia aipatuko dutenez, familia eredu asko daudela azalduko zaie ikasleei eta horren inguruan hitz egindo da haiekin. Amaitzeko, elkarrekin abesti berri bat sortzeko proposatuko zaie.

Gorputzak marraztuz

Ariketa honetan, ikasleak lauko taldeetan egongo dira eta taldekide bakoitza orri handi bat jasoko du, pertsona desberdinak margozteko helburuarekin. Lehenengo bakoitzak burua marraztuko du eta gero orria tolestuko du ondorengo pertsona atal hori ikus ez dezan; geroago marrazkia eskumako pertsomnari emango zaio, besoak eta enborra marrazteko eta orria berriz tolestu beharko du; eta berdina egin beharko da hankekin eta oinekin. Amaitzeko, paper guztiak irekiko dituzte eta pertsona desberdinen irudiak ikusiko dituzte; honekin bukatzeko ikasleei galdera batzuk egin ahal zaizkie ere.

Herriko emakume famatuen paseoa

Ekintza honen proposamena biografia labur bat idaztea izango da eta horrekin hasteko, ikasleei Malaren eta Elbira Zipitriaren bizitzak azalduko zaizkie lehenengo. Jarraian bi aukera izango dituzte: biografia hezkuntza eta berdintasunaren inguruan egitea (irakasle bati buruz, adibidez) edo herriko emakume ezagunen inguruan egitea. Bi kasuetan, egindako biografiak eskolako hormetan jartzea proposatuko da.

Goazen kirola egitera

Ariketa honetan, futbola adibidetzat hartuz eta Peters-en mapa erabiliz, ikasleak koloretako post-itekin talderik ezagunenak, mundiala irabazi duten selekzioak, jokalaririk famatuenak… markatu ditzakete. Geroago emakumezko futbolaririk ezagutzen dituzten galdetuko zaie eta beste kolore bateko post-itekin berdina egiteko esango zaie. Ziurrenez ez dituzte hainbeste emakume ezagutuko, beraz, bideo batzuk erakutsi ahal zaizkie. Behin hori eginda, gorputz-hezkuntzako petoak aldatzea proposatuko zaie, emakume jokalarien izenak edo argazkiak erabiliz, adibidez.

Ospitalea

Ariketa honetan ikasleekin minari buruz hitz egingo da eta bai fisikoa eta bai sentimentala izan daitekeela azalduko zaie, diskriminazioan eta genero-indarkerian sakonduz eta adibideak jarriz. Gainera mina dugunean laguntza eskatu behar dugula esango zaie, horregatik, kutxa batekin hospitale antzeko bat egingo dute guztien artean. Mina sentitzen duten bakoitzean, egoera paper batean idatziko dute eta kutxan sartu, geroago paper guztiak klasean irakurtzeko eta elkarrekin eztabaidatzeko: nola ekiditu daitezke egoera hauek, zer egin daiteke berriro ez gertatzeko…

Lan-arloko desberdintasunak

Ariketa honetan ikasleei etorkizunaz eta lanaz hitz egingo dela azalduko zaie eta jarraian erantzun beharko dituzten galdera batzuk egingo zaizkie, mutilak, neskak edo bestelakoak diren adieraziz. Gero haien erantzunen arrazoiak emateko eskatuko zaie ere. Jasotako erantzun guztiak behin arbelan idatzita egonda, taldean eztabaidatu egingo da gaiaren inguruan antzeko galderekin: zer desberdintasun dago mutilek aukeratutako lanen eta neskek aukeratutakoen artean? zergatik uste duzue ematen direla desberdintasun horiek?…

Nire familiako edo inguru hurbileko emakumeak

Ariketa hau aurrera eramateko, ikasleei haien ustez garrantzitsua den haien familiako edo inguru hurbileko emakume bat aukeratzeko eskatuko zaie, familiakoei pertsona honi buruz informazioa lortzeko laguntza eskatuz. Bigarren saioan, plastikako irakasleekin batera, aukeratutako emakumeari buruzko komiki, erretratu, marrazki bat… egingo dute, haien aukertaketaren arrazoia ere idatziz. Azkenik, ikasleek egindako lan guztiekin erakusketa bat egin daiteke.

Nik ahal dut

Ariketa honetan, ikasleak neskak eta mutilak izateagatik dituzten limitazioen inguruan hausnartuko dute. Jarraian, adin, herrialde… desberdinetako gizon-emakumeen marrazkiak emago zaizkie. Irudi bakoitza, izenburu bat izango du: “emakumea/gizona naiz eta… dezaket”, “emakumea/gizona naiz eta… nahi dut”. Ikasle bakoitza irudi batzuk aukeratu beharko ditu eta gero esaldia bete beharko du. Hau amaitutakoan, irudiak pasalekuan kokatu daitezke.

Marrazki bizidunak ikusten

Ariketa honetan ikasleei gehien gustatzen zaizkien marrazki, telesail eta youtuberrei buruz galdetuko zaie, eta gehien aipatzen direnak arbelan apuntatuko dira. Jarraian, talde txikietan banandu beharko dira eta fitxa bat bete beharko dute. Hau behin eginda, amankomunean jarriko dute guztia eta horren inguruan eztabaida bat sortuko da.

Abestien esanahia

Ariketa honetarako, ikasleak taldeetan abesti bat eraman beharko dute klasera bere letrarekin. Gero ariketaren egunean, guztiak entzungo dira eta elkarrekin analizatuko dira: Zer esan nahi du letrak? Letraren ze zati aldatuko zenukete?… Amaitzeko, Maialen Lujanbio-ren inguruan hitzegin egingo da eta berak genero indarkeria salatzeko egindako abestia entzungo da. Ondoren, ikasleek, abesti bat sortu dezakete edo existitzen den bat aldatu, berdintasuna aldarrikatzeko.

Txokolatearen misterioa

Ariketa honetan ikasleak “Hozkailuko txokolatearen misterioa” ipuinarekin ibiliko dira, baina irakurri baino leehn, janariaren inguruko galdera batzuk egingo zaizkie. Irakurri eta gero, klasean komentatu beharko dute eta jarraian, haien familientzako menu osasungarri bat diseinatu. Azkenik, janariaren prestaketaren inguruan hitz egingo da, historikoki emakumeak izan baitira horren arduradun.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons