es eu en

Materialak bilatu

Bilaketa aurreratua

Heziketa baliabideak

Konta ezazu ondo

Hezkidetzan hezi, berdintasunean hazi. DBH eta Batxilergoa

Hezkidetza

Material honek proposamen grafiko bat du lagungarri gisa, eta lau gai edo lema handitan banatuta dago, gure ikasleekin kontzeptuak eta egoerak lantzeko abiapuntu gisa erabiltzeko. Hauek dira landutako gaiak:

Kategoria: Hezkidetza

Proposamen didaktikoa

Afrikar emakumeak

Ariketa honetan ikasleak afrikar emakumeei buruzko ideia-jasa egin beharko dute lehengo. Geroago, klasea talde txikietan zatituko da eta bakoitzari emakume afrikar garrantzitsu bati buruzko testu bat emango zaio. Irakurri eta gero, informazioa klaseari azaldu beharko diote eta afrikar emakumeez zergatik dakigun hain gutxi hausnartuko dute.

Mikromatxismoak

Mikromatxismo kontzeptuari buruz eztabaidatzen hasiko da klasea, jarraian bi bideo proiektatuz eta hau noizbehin gertatu zaien edo kasurik ezagutzen duten galdetuz. Anonimoki idatz dezakete hau paper batean. Bigarren saioan, gogoeta hauek irakurriko dira eta ikasleak horren inguruan hitz egingo dute. Amaitzeko, ikasleak, mikromatxismorik egon ez daitezen eta ondorioak ezagutarazteko gomendioen zerrenda bat egitea proposa dezakete.

Lan-arloko desberdintasunak

Ariketa honetan ikasleak gizartean emakumeek eta gizonek duten rolei eta eskubidei buruz eztabaidatuko dute. Gero, bakoitzak inkesta beteko du eta berriz ere hausnartuko da. Jarraian, “recursos humanos” videoa proiektatuko da eta Espainian lan-elkarrizketa batean legez kanpokoak diren galderei egingo zaie erreferentzia, gaiaren inguruko eztabaida batekin bukatuz.

Nor da nor?

Jarduera honetan ikaslei, historiako emakume aipagarri batzuekin nor da nor jolas bat egitea proposatuko zaie. Horretarako 24 emakume aukeratu beharko dituzte, haien inguruan informazioa bilatu, haien aurpegiak inprimatu, aurpegiak “Nor da nor” jokoan jarri eta JOLASTERA!

Kontuak ateratzen

Ariketa honetan, ikasleek inkesta bete beharko dute klasera joan baino lehen eta gero, klasean behin egonda, talde txikietan emaitza desberdinak kalkulatu beharko dituzte. Azkenik, taldean lortutako emaitzen inguruan hitz egin beharko dute eta haurnasketa bat egingo dute; gainera, “Las mujeres dedican seis horas más a las tareas del hogar que los hombres” bideoa ikus dezakete bukatzeko.

Alderantzikatzea

Mutilen kontuak bideoa ikusiko dugu eta ikasleei eskatuko diegu bideoak sortu dien sentimendu bat idazteko. Gero, ikasgelan bost talde egingo ditugu eta berriro ikusiko dugu bideoa. Talde bakoitzak gai jakin batzuei buruz deigarrien gertatu zaizkien komentarioak idatziko ditu. Sailkatzeko proposamen bat egiten dugu:

Emakume eta gizon ospetsuen kontuak

Ariketa honetan, bi ikaslek eszena bat antzeztuko dute: telebistan, pertsona ospetsu bati elkarrizketa bat egingo diote, genero diskriminazioa agerian utziz. Gainerako ikasleek bi taldeetan bananduak, antzerkia adi ikusi beharko dute eta ondoren guztien artean egoeraren inguruan hausnartuko dute, azkenik “Galdera sexistei erantzuten dieten emakume ospetsuak” bideoa ikusiz.

Genero-indarkeria

Ariketa honetan ikasleak gatazka moten inguruan hitz egiten hasiko dira, gaia genero indarkerira bideratuz. Jarraian, bakoitzak paper zati batean kontzeptuaren inguruko haien definizio propioa idatzi beharko dute eta horretarako, laguntza moduan genero-indarkeriaren iceberg-a erakutsi ahal zaie. Gero, “Alicia” artikulua irakurtzeko eskatuko zaie haien iritzia emanez. Klasean artikuluaren inguruan hausnartu beharko dute eta hori egin ondoren, aurretik idatzitako definizioaren inguruan ia zerbait aldatuko luketeen galdetuko zaie. Azkenik, genero-indarkeriaren inguruko bi definizio desberdin erakutsiko zaizkie, haien artean komenta ditzaten.

Ikerketa-lana

Ariketa hau burutzeko, klasea talde txikietan banatu beharko da eta bakoitzari ikasliburu bat emango zaio, Eranskina 1 betetzeko helburuarekin. Taula bete ondoren, egindakoaren inguruko haurnarketa bat egin beharko dute, galderen laguntzekin nahi izanez gero. Azkenik, alor desberdinetako historiako emakumeen inguruan ikerketa-lan bat egitea proposatuko zaie.

Leku desberdinak, erronka berberak

Ariketa honekin hasteko, ikasgelan zehar generoagatiko desparekotasun-egoerak jasan dituzten zenbait emakume eta gizonen kontakizunak dituzten orriak banatuko dira, Eranskina 1-ekoa bezala. Gero, talde txikietan, Eranskina 2-ko herrialdeen izenen laguntzarekin, orri bakoitzaren azpian dagokion herrialdearen izena jartzen saiatuko dira. Akatz posibleak zuzendu ondoren, hausnarketa orokor bat egin beharko dute. Azkenik, kasu horiekin loturiko berdintasunaren aldeko mugimenduei buruz hitz egin dezakete, Eranskina 3-ko informazioa erabiliz.

Gustuko dut, ez dut gustuko

Hasteko ikasleak kontzeptu desberdinen inguruan egongo dira hizketan: sexua, generoa, sexismoa… Gero bigarren zatirako bi aukera posible daude. Alde batetik, Eranskina 2-ko taularen laguntzarekin, baloreak zutabe desberdinetara egokitu beharko dituzte, errealitatearekin bat datorrenaren arabera, gero interesgarrien iruditzen zaizkien bostak aukeratu eta horren inguruan hausnatu beharko dute. Bigarren aukeran, klasea talde bereizietan banaduz, sozietateak gure sexuaren arabera egokitzen gaituen baloreekin zerrenda bat egin beharko dute, gustokoak eta gustokoak ez dituztenak ondoren hautatuz eta berriro ere ideak taldeen artean bateratuz.

Sufragio unibertsalarekin bueltaka

Ariketa honetan klasea hiru pertsonaetako taldeetan banatu beharko da, gailu elektroniko baten laguntzarekin sufragio unibertsalaren inguruan prestatutako Kahoot-era jolasteko. Behin amaituta, klasearekin erantzunen inguruan eztabaidatuko da. Jarduera beste saio batekin osatu daiteke ere, “Sufragistak” filma ikusiz eta zineforum bat antolatuz.

© 2011 ALBOAN - Padre Lojendio, 2, 2º 48008 – Bilbao - Teléfono: 944 151 135 CC Licencia de Creative Commons